Նորություններ

Բացվել է «Կրեդիտ Կոնցեպտ» ՈւՎԿ ՓԲԸ «Արտաշատ» մասնաճյուղը

Սույն թվականի հոկտեմբերի 31-ին տեղի ունեցավ «Կրեդիտ Կոնցեպտ» ունիվերսալ վարկային կազմակերպություն փակ բաժնետիրական ընկերության արդեն թվով 3-րդ մասնաճյուղի պաշտոնական բացումը Արարատի մարզում, Արտաշատ համայնքում։ Ինչպես և նախորդ մասնաճյուղերը բացելիս, «Արտաշատ» մասնաճյուղով ևս «Կրեդիտ Կոնցեպտ» ՈւՎԿ ՓԲԸ-ն վերահաստատում է իր հավատարմությունը` ՀՀ ֆինանսական շուկայում կայուն դիրք զբաղեցնելուն ուղղված ռազմավարությանը:

Մասնաճյուղը գործելու է ք. Արտաշատ, Երևանյան փ, 5/5 հասցեում:

Ընկերության քայլերը կրկին բխում են իր տեսլականից` նպաստել անհատի կյանքում որակական փոփոխություններին` առաջարկելով կոնցեպտուալ ֆինանսական լուծումներ բիզնեսի զարգացման համար: Արտաշատ համայնքում իր ներկայությամբ «Կրեդիտ Կոնցեպտ» ՈւՎԿ ՓԲԸ-ն ավելի մոտ է լինելու և ավելի որակյալ ծառայություններ է մատուցելու համայնքի բնակիչներին և բիզնեներին:

«Արտաշատ»  մասնաճյուղի բացմանը ներկա էին համայնքի ներկայացուցիչներ, ընկերության բաժնետերեր, հաճախորդներ, համագործակցող կառույցներ և հյուրեր:

Ելույթի խոսքում Ընկերության գլխավոր գործադիր տնօրեն Կարեն Պետրոսյանը ներկայացրեց Ընկերության անցած ճանապարհը և նախանշեց առաջիկա նպատակներն ու անելիքները, ինչպես նաև ներկայացրեց Արարատի մարզում մասնաճյուղ ունենալու Ընկերության հիմնավորումներն ու տնտեսական նպատակահարմարությունը:

Ելույթի խոսք ունեցան նաև Ընկերության խորհրդի նախագահ Մանվել Վարդանյանը, գործընկերներ և հաճախորդներ:

Ընկերության ակնկալիքն է փոխշահավետ համագործակցության խորացումը մարզի ֆերմերների և բիզնեսների հետ, ինչին միտված են Ընկերության քայլերն ու նախաձեռնությունները: